සියලු පාරමිතාවන් සම්පූර්ණ කොට සියලු ධර්මයන් අවබෝධ කර ගත්තාවූ ඒ සීවලී මහ රහත්න් වහන්සේගේ ගුණ තේජානු භාවයෙන් මේ පිරිත් අසන්නෙමු.

මෙයින් කල්ප සිය දහසකට පෙර සියලු ධර්මයන් දත් නායක වූ පදුමුත්තර නම් බුදුරදුන් උපන්නේය.

සීවලී මහතෙරුන් ප්‍රත්‍යලාභීන් අතර අග්‍රස්ථානයට සුදුසු විය. දෙව් මිනිසුන්ට ප්‍රිය විය. බ්‍රහ්මයන් අතර උතුම් විය. නාග සුපර්ණාදීන්ටද ප්‍රිය විය. ප්‍රසන්නවූ ඉදුරන් ඇති උන්වහන්සේටද මම වදිමි.

සීවලී මහරහතන් වහන්සේව සියලු දෙවියන් හා මිනිසුන් විසින් පුදන ලදී. මටද සියලු ලාභයන් වේවා.

සත් දින​ක් මහා දුකකින් මවු කුස හොත්තාවූ මම මව් පැවිදිවීම සඳහා කැමැත්තදීම නිසා මහා දුකකින් මිදුනෙමි.

කෙස් කපන කල්හිම රහත්භාවයට පත්වීමි. දෙව් මිනිසුන් සමූහයා වෙතද මා විසින් ප්‍රත්‍යයෙන් අනුග්‍රහ කරන ලදී.

පදුමුත්ත​ර නම්වූද, විපස්සී නම්වූද, නායකයන් වහන්සේලා විශේෂ වූ ප්‍රත්‍යයෙන් පමුදිත වූ මා විසින් පුදන ලදී.

ඒ විශේෂ වූ උන්වහන්සේලාට කළවූ මහත්වූ උතුම් කර්මයේ පලයෙන්ද වනයෙහි ගමෙහි ජලයෙහි ගොඩබිමෙහි හා හැමතැනම ප්‍රත්‍ය ලබමි.

එකල්හි ලෝක නායකවූ මහ සඟරුවන සහිතවූ මහ නුවණැති මහා වීරයන්වූ ලෝක නායකයන් වෙත පැමිණියෙමි.

පසුව ජේතවනාරාමයට ගියාවූ මා රේවත භික්ෂුව දුටුවෙමි. අනතුරුව බුදුරදුන් විසින් මා ද අග්‍ර ස්ථානයෙහි තැබූ සේක.

ලෝකනායකයන් වහන්සේ යම් කළෙක රේවත භික්ෂුව දැකීමට යාම පිණිස තිස් දහසක් භික්ෂූන් සමග මගට පිළිපන්නේ ය.

සියලු ලෝකයාඅට හිත පිණිස ශාස්තෘන් වහන්සේ මහණෙනි මාගේ සිසුන් අතර ලාභීන්ගෙන් සීවලි අග්‍රවන්නේයැයි පිරිස මැද ගුණ කීර්තිය ප්‍රකට කළහ.

මා විසින් කෙළෙස් සිදින ලද්දේ භවයෙන් සියලු කෙළෙස් නැසුයේ අනාශ්‍රව වූයේ රහත්ව සසර සියලු බැමි සිඳ වාසය කරමි.

ශ්‍රේෂ්ඨ වූ බුදුන් වහන්සේගේ සමීපයට මනාව මම පැමිණියෙමි. ත්‍රි විද්‍යාවට පත්වූ මා සියලු බුදු සසුන් කිස නිමවන ලදී.

සිවු පිළිඹියවන් හා අෂ්ට විමොක්ෂයන් ද අභිඥාද ලාභීවූ මා විසින් සියලු බුදු සසුන් කිස නිමවන ලදි.

බුදු ​පුත්වූ ජින ශ්‍රාවකවූ සීවලි මහ තෙරුන් විසින් උග්‍ර තෙජස් ඇති මහා වීරයන් වහන්සේගේ බුදු සසුන බබලවන ලදී.

සීවලි මා හිමියන්ගේ රකින ලද සීල හොඳඉන් ධනවත් යසස්ව රකිනු ලබන්නේ සීවලි මහ රහත් බලයෙන් හා එම තෙජානුභාවයෙන් මා සදා රකී​වා

බෝමුල වැඩ හිදි මරසෙන් පරදවා ඒ බුදුතේජස කල්පයක් පවතින්නේ යැයි කියනු ලබන සත්‍ය බලයෙනුත් සීවලි මහ රහත් බලයෙනුත් මා රකීවා.

දස පෙරුම් පිරුවාවූ බුදු සසුනෙහි පැවිදි වුවෙමි. ගෞතම ශාක්‍ය පුතුවුවෙහිය. මම සීවලි තෙරුන් වෙමි.

අසූ මහා ශ්‍රාවක පුණ්ණ තෙරුන් යසසින් අග්‍ර වූහ. භව භෝග ලාභීන් අතර සීවලි මහ තෙරුන් වහන්සේ උතුම් විය.

බුද්ධ විෂය අචින්ත්‍ය ය (නොසිතිය නොහැක). ධර්මයද අචින්ත්‍යය. අතිශයින් එහි ප්‍රසන්න වූවහු ගේ විපාකයද අචින්ත්‍යය.

උන්වහන්සේලා ගේ සත්‍ය වූ සීල බලයෙන් ද, ඉවසීම, මෛත්‍රී බලයෙන්ද, සියලු දු​ක් නසා මා රකිත්වා.

උන්වහන්සේලා ගේ සත්‍ය වූ සීල බලයෙන් ද, ඉවසීම, මෛත්‍රී බලයෙන්ද, සියලු භ​ය නසා මා රකිත්වා.

උන්වහන්සේලා ගේ සත්‍ය වූ සීල බලයෙන් ද, ඉවසීම, මෛත්‍රී බලයෙන්ද, සියලු රෝ​ග නසා මා රකිත්වා.

සාධූ! සාධූ! සාධූ!